राहुरीच्या कृषी उत्पन्न बाजार समितीची निवडणूक बनली प्रतिष्ठेची

 राहुरीच्या कृषी उत्पन्न बाजार समितीची निवडणूक प्रतिष्ठेची बनली असून महाविकास आघाडी आणि भारतीय जनता पक्ष प्रणित तालुका विकास मंडळामध्ये चुरस आहे*.

*शेख  युनूस अहमदनगर*/..

 *बाजार समितीच्या एकूण 18 जागांसाठी येत्या शुक्रवार दि. 28 एप्रिल रोजी मतदान होणार आहे. राहुरी बाजार समितीवर गेल्या 30 वर्षाहून अधिक काळापासून माजी खासदार प्रसाद तनपुरे यांच्या मार्गदर्शनाखाली बाजार समितीचे सभापती अरुण तनपुरे यांची एक हाती सत्ता राहिलेली आहे.

 *श्री अरुण साहेब तनपुरे यांनी बाजार समितीच्या माध्यमातून एक आदर्श बाजार समिती म्हणून नगर जिल्ह्यासह राज्यातील एक आदर्श मॉडेल उभे केलेले आहे. आज पर्यंत झालेल्या निवडणुकांमध्ये तनपुरे यांची सत्ता कायम राहिलेली आहे. 

सभापती अरुण तनपुरे यांचे पुतणे माजीमंत्री लोकप्रिय आमदार प्राजक्त तनपुरे यांचा विधानसभा निवडणुकीत विजय झाल्यानंतर राहुरीतील अनेक राजकीय समीकरणे बदलली आहेत.

भारतीय जनता पक्षाच्या माध्यमातून माजी मंत्री शिवाजीराव कर्डिले, महसूल मंत्री राधाकृष्ण विखे पाटील, खासदार सुजय विखे पाटील यांनी राहुरी तालुक्यातील राजकारणात लक्ष घातलेले आहे. राहुरी तालुका विकास मंडळाच्या माध्यमातून आज पर्यंत अनेक निवडणुका लढल्या गेल्या आहेत. राहुरी तालुक्याची राजकीय पार्श्वभूमी लक्षात घेत असता गेल्या तीन ते चार दशकाच्या काळापासून तनपुरे यांच्या जनसेवा मंडळ आणि विरोधकांचे विकास मंडळ यांच्यात लढत राहिलेली आहे. मुळा प्रवरा वीज संस्था, डॉ. तनपुरे साखर कारखाना या दोन महत्त्वाच्या संस्थात देखील या लढती झालेल्या आहेत. दोन्ही संस्था आज जणू बंद अवस्थेत आहेत. तसेच यापूर्वी राहुरी पीपल्स बैंक आणि मुळा सूतगिरणी या बंद पडलेल्या आहेत. सहकार क्षेत्रामध्ये राहुरी कृषी उत्पन्न बाजार* समिती ही संस्था प्रगतीपथावर आहे, आणि ती तनपुरे यांच्या ताब्यात आहे. सभापती अरुण साहेब तनपुरे यांनी बाजार समितीच्या माध्यमातून कांदा मोंढा, भाजीपाला मार्केट, शेतकऱ्यांसाठी शेतीमाल विक्री केंद्र तसेच सूतगिरणी जवळील पेट्रोल पंप, सोनगाव, वांबोरी उपबाजार समिती या ठिकाणी मोठ्या प्रमाणात सेवा सुविधा उपलब्ध करून दिलेल्या आहेत. आता ते व त्यांचे सहकारी महाविकास आघाडीच्या माध्यमातून निवडणुकीला सामोरे जात आहे. त्यांच्यासह ज्येष्ठ संचालक सुरेश बाफना, दत्ता कवाणे, चंद्रकांत पानसंबळ, विश्वास पवार, शोभा सुभाष डुकरे, सुनीता रावसाहेब खेवरे हे निवडणूक रिंगणात उभे आहेत.तर भारतीय जनता पक्ष प्रणित तालुका विकास मंडळाकडून देवळाली प्रवराचे नगराध्यक्ष सत्यजित कदम यांनी यंदा प्रथमच या निवडणुकीत उडी घेतल्याचे दिसून येत असून त्यांच्यासह महेंद्र तांबें, उदयसिंह पाटील, सुरेश बानकर, नंदकुमार डोळस, उज्वला राजेंद्र साबळे आदी निवडणुकीच्या रिंगणात उभे राहिले आहेत.

या निवडणुकीसाठी सहकारी संस्था मतदार संघात 7 जागा, महिला राखीव 2 जागा, इतर मागास प्रवर्ग 1 जागा, विमुक्त जाती भटक्या जमाती 1 जागा, मागास प्रवर्ग 1 जागा, ग्रामपंचायत मधून सर्वसाधारण प्रतिनिधी 2 जागा, आर्थिक दुर्बल घटक 1 जागा अनुसूचित जाती जमाती प्रतिनिधी 1 जागा तर व्यापारी आडते प्रतिनिधी मतदारसंघ 2 जागा आणि हमाल मापाडी प्रतिनिधी मतदारसंघात 1 जागा अशा 18 जागांसाठी निवडणूक होत आहे. निवडणूक निर्णय अधिकारी म्हणून सहाय्यक निबंध संदीप रुद्राक्ष हे काम पाहत आहेत .येत्या शुक्रवार दिनांक 28 एप्रिल रोजी राहुरी कॉलेज येथे मतदान प्रक्रिया संपन्न होणार आहे. राहुरी तालुक्यासह सर्व क्षेत्राचे लक्ष या निवडणुकीकडे लागून राहिले आहे.