कळमजाई धबधब्याखाली बुडून युवकाचा मृत्यू

 

संगमनेर/ तालुक्याच्या पठार भागातील घारगांव परीसरातील निसर्ग रम्य पर्यटन स्थळ म्हणून ओळख असलेल्या कळमजाई मंदिर परीसरातील धबधब्याखाली बुडुन युवकाचा मृत्यू झाल्याची घटना मंगळवार दिनांक ९ ऑगस्ट रोजी दुपारी घडली

याबाबत घारगांव पोलिसांनी दिलेली माहिती अशी की,जहीर रफीक शेख (वय १७) राहणार आंबीखालसा हा कळमजाई मंदिर परीसरात आपल्या दोन भावांसोबत फिरण्यासाठी गेला होता.तर त्यानंतर ते तीघेही पोहण्यासाठी तलावात उतरले होते त्याच दरम्यान तो बुडाला ही घटना  आजुबाजुच्या उपस्थित पर्यटकांच्या लक्षात येताच त्यास पाण्याबाहेर काढून खाजगी रुग्णवाहिकेतून त्याला घारगांव येथील खाजगी रुग्णालयात नेण्यात आले मात्र डॉक्टरांनी त्यास पुढील उपचारासाठी संगमनेर येथील ग्रामीण रुग्णालयात पाठविण्यात आले. वैद्यकीय अधिकाऱ्यांनी तपासणी करत त्यास मयत घोषीत केले.

कळमजाई हे निसर्ग पर्यटन स्थळ असून असंख्य पर्यटक या ठिकाणी फिरण्यासाठी व निसर्गाचा मनमुराद आनंद घेण्यासाठी येत असतात परंतु काही पर्यटक हे तेथील धबधब्याखाली तलावात पोहण्यासाठी साठी उतरत असतात. आणि त्यातूनच ही दुर्दैवी घटना घडली आहे. त्यामुळे पर्यटकांनी पाण्यात उतरून नये. अथवा गवताच्या ठिकाणी सापांची भिती असल्याने फीरू नये.

रामदास थेटे

वनपरीमंडळ अधिकारी घारगांव